Hacıqabulda məktəbli qızlara dərzi peşəsi öyrədilir

Hacıqabul rayon Talış kənd məktəbinin ibtidai sinif müəllimi Səbinə Əhmədovanın “Şagirdlərin peşə bacarıqlarının artırılması” layihəsi çərçivəsində keçirilən dərzilik məşğələləri davam etdirilir.

Təhsil İnstitutundan AZƏRTAC-a bildirilib ki, Təhsil Nazirliyinin təhsildə inkişaf və innovasiyalar üzrə 2-ci qrant müsabiqəsində fərdi kateqoriya üzrə qalib olmuş layihənin əsas məqsədi yerlərdə qızların təhsil almalarının, onların peşə sahibi olmalarının vacibliyini təbliğ etməkdir.

Hacıqabul rayonunun Talış kəndində reallaşan layihə üzrə VII, VIII və IX sinif şagirdləri olan 4 qızın dərzilik məşğələlərində iştirak etməsi, dərzi peşəsinin ilkin bilik və bacarıqlarına yiyələnməsi nəzərdə tutulur. Məşğələlər uzun illər iş təcrübəsinə malik təcrübəli dərzi tərəfindən aparılır.

Layihə üzrə dərzilik məşğələlərinin noyabrın 18-nə qədər davam edəcəyi nəzərdə tutulur.

MƏNBƏ:AZƏRTAC

BIR CAVAB BURAXIN

Rəyinizi daxil edin
Adınızı daxil edin