Gənc yazar Fərizə Əbilova ilə müsahibə

Müsahib Fərizə Əbilova  “Sonuncu Əsr Hekayələri”kitabında yerləşən – ““Səssiz gedişlər” / “Arzular daim əlçatandır” hekayələrinin müəllifi

• İlk dəfə nə vaxt hekayə yazmaq fikrinə düşdünüz? Sizi nə ilhamlandırdı?

Tam olaraq xatırlamıram nə vaxt bu qərara gəldim çünki kiçik yaşlardan yazırdım.Yazdıqlarımı yaxınlarıma oxudub, fikirlərin öyrəndikcə yazmaq hissi dahada artır. İnsanların həyat hekayələrini öz fikirlərim , xəyal dünyamla birləşdirməyi sevirəm. Yazmağın mənəvi rahatlıq gətirdiyinə inanıram.

• “Səssiz gedişlər” hekayəsinin özünə məxsus abu havası var. Dramatik üslubunun təqdimatı cəsarət və əminlik tələb edir. Niyə məhz bu janra üz tutdunuz? Daha mı yaxındı sizə?

Əslində həyatda qarşılaşdığım hadisələrə pozitiv yanaşan biriyəm. Ancaq yazmağa

başlayanda dramatikləşir.Yəqinki , biruzə vermədiyim dramatik tərəfim yazmaqla

ortaya çıxır.

• Hekayəni oxuduqdan sonra “cəmiyyətdə kiçik insan”, “uğursuz talelər”, “məişət problemləri”, “qadın olmağın çətinlikləri” kimi aktual sosial problemlər ağlıma gəldi. Bu barədə fikirləriniz maraqlıdır.

Hekayədəki talelər bizim üçün yad deyil. Hekayə bir növü reallıqlardan ibarətdir.

Mənim diqqət çəkmək istədiyim əsas məsələ “ qadın olmağın çətinlikləridir”. Bu

çətinliklərdən uzun uzun danışmaq olar. Mən yazaraq fikrimi dilə gətirdim.

• Baş qəhrəmanınız- Nərgizin vasitəsi ilə oxucunun diqqətini nələrə yönəltmək istədiniz?

Ətrafımızda Nərgiz kimi qızlarımız çoxdur. Və neçə ki , qadına qarşı bu stereotip

qırılmayacaq olmaqda da davam edəcək. Bacardığım qədər bu cür talelərə diqqət

çəkdim.

• Bir oxucu olaraq, hiss etdim ki, sanki yaradıcılığınızda qadınlara xüsusi yer ayırırsınız. Müsahibə vasitəsi ilə oxucu xanımlara deyiləcək sözünüz var mı?

Bəli. Tərəfkeşlik deyilə bilər. Qadınlara daha çox haqqsızlıq olunduğu fikrindəyəm. Oxucu xanımlara onu demək istəyirəm ki , bəli , qadın olmaq çətindir bizim cəmiyyətdə isə iki qat çətin.Ancaq hər nə olursa olsun problemlərinizlə üzləşməyi bacarın. Çətinliklər sizi deyil siz çətinlikləri əzin. Nərgiz kimi iradəsiz olmayın. Bu gün qadınlar adına atacağınız hər bir addım gələcək nəslin rifahı, azadlığı üçün təməldir.

• “Arzular daim əlçatandır” – hekayənin ideyası necə yarandı?

Böyük həvəslə yazdığım hekayədir. Pərvin obrazı ilə oxşar xüsusiyyətlərimiz var.Bütün qadınlarda olmasını istədiyim yüksək özgüvəni və cəsarəti onda əks etdirmişəm.

• Pərvin və Leyla- iki fərqli obraz. Deyə bilərik ki, cəmiyyətimizdə seçilən əsas iki qadın prototipi: ömrünü karyeraya həsr edənlər və ailəyə həsr edənlər. Bu haqda nə düşünürsünüz?

Pərvin və Leyla iki fərqli obrazdır.Biri kariyerasını , məqsədlərini üstün tutur digəri ailə dəyərlərini. Mənim fikrimcə ailədə, kariyera da vacibdir.Bunlar bir birin tamamlasa daha mükəmməl obraz ortaya çıxar.

• Hekayənin böyük hissəsi dialoq formasında qurulub. Müasir oxucuları nəzərə alıb belə üslub seçdiniz, yoxsa təsadüfi bu formada alınıb?

Düzünə qalsa üsluba o qədər fikir vermədim. Düşüncələrimi çatdırmaq necə asan idisə o üslubla yazdım.

• Hekayəni oxuyanda hiss etdim ki, sanki Pərvin obrazında görmək istədiyiniz “gələcək Azərbaycan qadını”-nı yaratmısınız. Bu belədir mi?

-Pərvin xəyalların görməzdən gəlmir . Həmin xəyalları hədəfə , hədəfləri gerçəyə çevirə bilir.Mənim Azərbaycan qadınında görmək istədiyim budur. Hekayədə şişirtmələr var- Pərvinin dünyaca məşhur aktrisa olmağı kimi.Şişirtmə deyirəm çünki , bizim cəmiyyət üçün fantastikdir.Demək istədiyim odur ki , qadın istəsə yaxşı siyasətçidə olar, alimdə olar, astronavtda . Yetər ki hədəflər dəqiq olsun….

Müsahibəni hazırladı-“Sonuncu Əsr” Jurnalistika bölməsinin rəhbəri,jurnalist Aysel Qarayeva