Gənc yazar Elvin Məmmədovla müsahibə

Müsahib  Elvin Məmmədov  “Sonuncu Əsr Hekayələri”kitabında yerləşən  – “Bir qızın gündəliyi” hekayəsinin müəllifi.

 

  • İlk dəfə nə vaxt hekayə yazmaq fikrinə düşdünüz? Sizi nə ilhamlandırdı?

 

İlk dəfə 3-ci sinifin axırında yazmışam. İlk müəliməmiz bizə tapşırıq verdi ki,hekayə yazın.Mən də qısa hekayə yazdım.Bu da müəllimənin xoşuna gəldi.Müəlliməmizin adı Qəndab idi.

 

  • “Bir qızın gündəliyi” adlı hekayənizi oxumağa başlayanda, artıq ilk sətirlərdən anladım ki, qarşıda məni daha da maraqlı məzmun gözləyir. Bir nəfəsə və maraqla oxuduğum hekayələrdən biridir. Oxucu olaraq, bu möhtəşəm hekayənin “öz hekayəsini” öyrənmək istiyərdim. Fikir hardan yarandı?

 

Kobaltlar romanı çox uzun romandı.3 hissədən ibarətdi.Fikirləşdim ki kobaltlardan bəhs edən kiçik ölçülü hekayələr olmalıdı.1-ci hekayəm “Qaranlıqdakı adam” oldu. Sonra “Bir qızın gündəliyi 2 Vandetlər” oldu. Bu hekayəni birinci hissə eləmək istəyirdim.Ancaq hekayələrimin saxlandığı şkafı təmizləyərkən Kobaltların 1-ci hissənin 1-ci bölümü əlimə keçdi. Onu oxuduqdan sonra fikirləşdim ki,baş qəhraman sonradan 2-ci dərəcəli qəhraman olan Kost Adrianın ailəsi haqda məlumat azdı.Belə fikirləşdim ki,Kost Adrianın atası Kot Adrian və anası Kamilə Adrianın (Arar) necə tanış olmaqlarınan yazım. Ancaq ağlıma bir fikir gəlmirdi.Zəngilanda baş vermiş bir hekayəni eşiddikdən sonra, bu hekayələri birləşdirib,bir hekayə ələdim.

 

  • Ayrı bir dünya yaradan, fərqli qəhrəmanlar nümayiş edən və maraqlı təqdimatı olan müəlliflərə xüsusi hörmətim var. Bütün bu xüsusiyətləri bir araya toplamaq elə də asan deyil. Bunu necə bacardınız?

 

Mən uşaqlıqdan qeyri-adı biri olmaq istəmişəm.Ancaq vaxt keçdikcə başa düşdüm ki, bir insan qeyri-adı edən öz sevdiyi işi görməsidi. Belə ki, insan sevdiyi işi görərsə,sevərsə,zəhmət çəkərsə, çox böyük uğurlar eldə edir. Bu da öz növbəsində onu cəmiyyətdən ayrıb qeyri-adı bir insana çevirər.Öz sevdiyim işi gördüyümə görə bacardım.

 

  • Fikrimcə “fantazy” janrında hekayə yazmaq biraz risk və güvən tələb edir. Nəticədə ya maraqlı süjet alınır, ya da tamamilə absurd. Niyə məhz bu janra üz tutdunuz? Bu barədə fikirləriniz maraqlıdı.

 

Mən Jüli Verinin romanlarını çox sevirəm. Ən çox sevdiyim romanı isə “Kapıtan Qrandın uşaqları” idi. Jüli Verin “fantazy” janrında yazmağa üstünlük verdiyinə görə tənqidlərə məruz qalırdı. Bir gün ondan soruşurlar: “Niyə fantazy janırında yazırsınız?”. O da cavabında: “Mən gələcək nəsilə ideya verirəm” demişdi. Mən də öz hekayələrimdə istər “fantazy”, “kriminal” , “siyasi” janırda yazsam belə insanları təbiəti qorumağa çağırıram.

 

  • Qəhrəmanları və bütün o maraqlı adları tapmaqda çətinlik çəkdiniz mi? Və elə öz kiçik qəhramanınız- Kamalənin adı ilə, soruşmaq istəyirəm: “Ata, niyə bizim adlarımız hamısı K hərfi ilə başlayır?”

 

Kobaltlar romanın yazmamışdan əvvəl özümə belə bir sual verdim: Sənin qurmaq istədiyin cəmiyyət necə olardı? Elə bu suala cavab olaraq, Kobaltların mədəniyyətini,adət-ənənəsini,tarixini yazdım. 2005-ci ildən 2009-cu ilin əvvələrinə qədər adi adlardan istifadə edirdim.Sonradan simvollara marağım artdı və simvolları araşdırmağa başladım.Bir gün yuxuda bir simvol gördüm. Sonrada simvolu dəftərimdə çəkdim.Bir müddət sonra simvol diqqətimi çəkdi.Simvola diqqətlə baxanda bunun tərsinə çevrilmiş iki K hərfi olduğunu gördüm.Elə o gündən bütün Kobaltların adını K ilə yazmağa başladım.Həm də Kobalt sözü K hərfi ilə başlayır.Bu birliyin işarəsidi.

 

  • “Bir qızın gündəliyi” hekayəsinin dəvamı var mı? Hazırdır mı?

 

Bəli var. “Bir qızın gündəliyi” 5 hissədən ibarətdi.Siz birinci hissə ilə tanışsız.Bunu da deyim ki, 2-ci,3- cü və 4-cü hissələr bir-birinə bağlıdı. Ancaq 1-ci və 5-ci hissələr bir-birinə bağlı deyil. İkinci sualınızı cavabı isə, bəli hazırdı.Ancaq onlar əl yazma halındadı. Beşinci hissəyə isə bir az düzəliş etmək istəyirəm.

 

  • Elvin Məmmədov yazmağa dəvam edəcək mi?

 

Son nəfəsimə kimi davam edəcəm.Çünki bu mənim ən çox sevdiyim işdi.

 

 

*Sonda isə, bizim kimi gənclərə dəstək olan “Sonuncu əsr” dərgisinə öz təşəkkürümü bildirirəm.Yarışın uğurla həyata keçirilməsində əməyi olan başda Toğrul Məmmədbayova və bütün insanlara öz təşəkürümü bildirirəm. Məndən müsahibə aldığınıza görə Aysel xanım sizə öz təşəkürümü bildirir,sizə və “Sonuncu əsr” dərgisinə gələcək fəaliyyətində uğurlar arzu edirəm.Bu bizim üçün çox stumul verici hadisə oldu.

Müsahibəni hazırladı-“Sonuncu Əsr” Jurnalistika bölməsinin rəhbəri,jurnalist Aysel Qarayeva

BIR CAVAB BURAXIN

Rəyinizi daxil edin
Adınızı daxil edin