Gənc müəllim Jalə Hüseynlə müsahibə.

Salam,Jalə xanım, dəvətimizi qəbul edib müsahibə verdiyiniz üçün öncədən təşəkkür edirəm.Bizi bir qədər öz ixtisasınızla,çalışdığınız sahə ilə bağlı məlumatlandırardınız.

Sevimli şagirdlərimə yeni mövzunu izah edərkən..
Sevimli şagirdlərimə yeni mövzunu izah edərkən..

– Salam.Mən ötən il BDU-nun Mexanika riyaziyyat fakültəsini bitirərək böyüdüyüm kəndə geri döndüm.Bildiyiniz kimi mən həmin kənddə (Masallının Xıl  kəndində) könüllü olaraq çalışır və öz biliklərimi şagirdlərimlə bölüşürəm.Öz ixtisasıma və şagirdlərə olan bağlılığım bütün çətinliklərin öhdəsindən gəlməyimə səbəb olur.

– Nə kimi çətinliklərlə qarşılaşırsınız?

– Hər kəsə məlumdur ki,riyaziyyat zəncirvari bir elmdir və şagird bir mövzunu mənimsəyə bilmədikdə digər mövzunu da mənimsəməsi qeyri-mümkündür. Yuxarı sinif şagirdlərində bu kimi hallarla çox rastlaşıram.Aşağı siniflərdən dərslər düzgün mənimsənilsə yeni mövzuları da rahatlıqla tədris edə bilərəm.

Məktəbimizin köhnə binası..

– Deməli,yuxarı siniflərə dərs deyirsiniz..

– Bəli,8-ci və 9-cu siniflərə.

– Sizcə,kənddəki təhsil sistemində bir qədər geriliyin olması nə ilə əlaqədardır?

Ən sevimli şagirdlərimdən biri..Kəndimizdə məskunlaşmış Cəbrayıldan olan köçkün ailəsindəndir..

– Fikrimcə,şagirdlər məhdud çərçivəyə salınmasa,dərslikdən əlavə kitablarla təmin edilsə,bədii ədəbiyyatla və s.tanış olsa elmə,təhsilə maraqları da böyük olar.Məktəblərdə musiqi və təsviri incəsənət dərslərinin haradasa yox səviyyəsində olması da məni narahat edən ən böyük problemlərdən biridir.Dərsliklərin tərtibatındakı problemləri də bura əlavə edə bilərəm..

– Dərsliklərin tərtibatında xoşunuza gəlməyən nüans nədir?

-Dərsliklər şagirdlərin yaş səviyyəsinə uyğun tərtib olunmur. Həmçinin,dərsliklərdə hər çətinlik səviyyəsinə uyğun çalışmalar yoxdur. Buna qarşılıq olaraq test vəsaitlərindən istifadəni təklif etmək olar, amma şagirdlər bu vəsaitlərlə pulsuz təmin olunmur. Ona görə də kitab bütün səviyyələri əhatə etməlidir, tədris prosesinin ənənəvi metodla qurulduğu zamanlardakı kimi..

– Bəs,əvvəlki illərlə müqayisədə vəziyyət necədir? Valideynlərin övladlarını məktəbə göndərməmək kimi hallar varmı?

Mənim şagirdlərim tənəffüs zamanı da dərslə məşğuldurlar.))

– Çox təəssüf ki,bu kimi hallar hələ də qalmaqdadır.Lakin,öncəki illərlə müqayisədə bəli,azalma müşahidə olunur.

– Bəs məktəbdəki şərait necədir?

– Məktəbin şəraiti çox yaxşıdır.Bircə şagirdlərin dərsə meylləndirilməsi qalır.

– Qəbul imtahanlarında göstərdikləri nəticələr də qənaətbəxş deyil o zaman..

– Qəbul səviyyəsi bir qədər aşağı olur və istənilən nəticə əldə edilmir.Bu təkcə ali təhsil müəssisələrinə qəbulda deyil,attestat,şəhadətnamə əldə etmək üçün aparılan imtahanlarda da müşahidə olunur.Qeyd etdiyim kimi aşağı siniflərdən biliklərə yiyələnsələr imtahanlarda da yüksək nəticələrə nail olarlar.

– İxtisasınıza və şagirdlərinizə olan bağlılığınız çox gözəldir. Bəs,riyaziyyatdan əlavə hansı sahəyə marağınız var?

Şanlı bayrağımız hər zaman zirvələrdə dalğalansın!

– Filologiya.Hətta,qəbul imtahanına hazırlaşarkən iki seçim arasında qalmışdım : ya riyaziyyat,ya da filologiya. Birincini seçdim.

– Bəs incəsənət sahələrinə?

– Milli musiqimizi çox sevirəm.Xüsusilə də muğamlarımızı.

– Jalə xanım,ixtisasınıza olan bağlılıq, dünyagörüşünüz çox xoşuma gəldi.Son olaraq nə demək istərdiniz?

– Təhsildə və ümumiyyətlə cəmiyyətdə olan çatışmazlıqlara fərdlər şəklində deyil,daha geniş kütlə,bütöv bir cəmiyyət olaraq mübarizə aparmalıyıq. Belə olduğu halda təhsil sistemində də,elmə olan maraqda da problemlərimiz həll oluna bilər.

BIR CAVAB BURAXIN

Rəyinizi daxil edin
Adınızı daxil edin