Get more stuff like this
Subscribe to our mailing list and get interesting stuff and updates to your email inbox.
Thank you for subscribing.
Something went wrong.
Fevralın 4-də Azərbaycan Milli Elmlər Akademiyasının (AMEA) Aşqarlar Kimyası İnstitutunda elmi fəaliyyəti ilə fərqlənən gənclər mükafatlandırılıb.
İnstitutdan AZƏRTAC-a bildirilib ki, tədbirdə elmi müəssisənin direktoru, akademik Vaqif Fərzəliyev dövlətimizin gənclərə daim böyük diqqət və qayğı göstərdiyini qeyd edib. “Bu diqqət və qayğını elmlə məşğul olan gənclərin timsalında görmək mümkündür. İldə bir dəfə bütün sahələr, o cümlədən elm sahəsi üzrə seçilən gənclərə Prezident mükafatı verilir. Gəncləri elmə həvəsləndirmək üçün müxtəlif müsabiqələr keçirilir”, – deyə akademik vurğulayıb.
O, gənc kimyaçı mütəxəssislərin də AMEA-nın elm və ictimai fəaliyyətində xüsusilə fərqləndiyini, son illər istər fundamental nəzəri, istərsə də tətbiqi elmi nailiyyətlərin əldə olunmasında gənc alimlərin müəyyən rol oynadığını diqqətə çatdırıb.
“İstedadlı gənc alimlərimizin iştirakı ilə beynəlxalq səviyyəli müştərək tədqiqatlar aparılır, əldə edilən elmi nəticələr nüfuzlu jurnallarda dərc olunur. Həmin nəticələr dünyanın aparıcı elm mərkəzləri tərəfindən qəbul olunur, o işlərə elmi istinadlar edilir”, – deyə Vaqif Fərzəliyev bildirib.
Gənc Alim və Mütəxəssislər Şurasının sədri, dosent Əfsun Sucayev gənclər adından çıxış edərək deyib ki, Aşqarlar Kimyası İnstitutda gənc alim və mütəxəssislərin elmi səviyyəsinin artırılması, onların elmə həvəslənməsi üçün mühüm addımlar atılıb və bu sahədə işlər davam etdirilir.
Tədbirdə çıxış edən institutun elmi katibi Mehparə Səfərova, Azad Həmkarlar Təşkilatının sədri Elxan İsakov və gənclər onları maraqlandıran məsələlərlə bağlı təkliflərini veriblər.
Sonda elmi və ictimai fəaliyyəti ilə seçilən gənclərə təşəkkürnamələr təqdim edilib.
Mənbə : Azərtac
