“Life is beautiful”( Həyat gözəldir)

Yeni layihəmizlə, yeni ümid və yeni biliklərlə, yeni addımlarla yenidən, yeni bir səhifə ilə, yeni bir başlanğıcda görüşürük bu dəfə də.
Sizə ən sevdiyim bir filmdən spoiler verəcəm, yəqin edirəm və çox da əminəm ki, bu filmi izləyən hər kəs “möhtəşəm film” sözünə layiq görəcək.
Sizə sizi eyni anda həm güldürüb, həm ağladacaq, insanlığın eyni anda alçalmış və ən ali nöqtəyə qədər yüksəldildiyini göstərəcək bir filmdən bəhs edirəm.
Bəli, bəli “Life is beautiful”( Həyat gözəldir) filmindən söhbət gedir.Film dram, komediya, romantika janrlarında çəkilmişdir. Din, dil, irq ayrıseçkiliyindən söhbət gedir
İkinci dünya müharibəsi dövründə həyat yoldaşı və oğlu ilə birlikdə yəhudi düşərgələrinə aparılan yəhudi atanın və arxasınca gedən bir italyan ananın, övladını qorumaq üçün etdiyi saysız-hesabsız fədakarlıqlardan bəhs edir. Film 1998-ci il Kann Film Festivalında festivalın Ən Böyük Mükafatını qazanır. 1999-cu ildə Oskarda 7 nominasiyaya namizəd olan film Ən yaxşı xarici film, Ən yaxşı aktyor və Ən yaxşı musiqi nominasiyalarında bu mükafatı qazanmışdır.

Həyat bir filmdirsə, bu film olsun istərdim. Ah Guido, atalıq hissini ancaq bu qədər möhtəşəm ifadə edə bilərdin! Baş rolda Roberto Benigni( özünü bu filmlə sevdirib, ən sevimli aktyoruma çevrilən) yer almışdır.

Bu film barədə deyəcək o qədər söz var ki, amma bu filmin sizdə yaratdığı təəssüratı bilib, sizin fikirlərinizi öyrənmək daha maraqlı olardı. Filmi izləyən hər kəs öz təəssüratlarını bizimlə paylaşsa, çox şad olarıq 🙂
Filmdə çox sevdiyim bir cümlə: Səssizlik ən böyük hayqırışdır.