Get more stuff like this
Subscribe to our mailing list and get interesting stuff and updates to your email inbox.
Thank you for subscribing.
Something went wrong.
Dünya əl sənətinin, musiqisinin, ədəbiyyatının, rəssamlığının ən gözəl nümunələri məhz evdə yaradılıb. Gəlin biz də evdə olduğumuz müddətdə bu şansdan istifadə edək və yaradıcılığımızla virusla mübarizəni pozitivə fokuslanaraq gücləndirək!
AZƏRTAC xəbər verir ki, belə bir təşəbbüslə çıxış edən Mədəniyyət Nazirliyi hər kəsi evdə keçirdiyi vaxt ərzində yaradıcılığını işə salıb pozitivliyə töhfə verməyə çağırıb.
Bildirilir ki, bu, hər kəsə dəyərli hədiyyələr qazanmaq üçün şans yaradacaq. Şərtlər çox sadədir. Belə ki, Kreativ Azərbaycan “Facebook” səhifəsini izlədiyinizdən əmin olun, yaratdığınız işi #evdəqalevdəyarat hashtag-i ilə öz səhifənizdə paylaşın və paylaşımda “Kreativ Azərbaycan” “Facebook” səhifəsini tag edin.
Aprelin 30-dək ən çox bəyənilən (“like” alan) işlərin müəlliflərinə Kreativ Azərbaycan portalı və Mədəniyyət Nazirliyi tərəfindən müxtəlif hədiyyələr təqdim olunacaq.
Evdə qalıb evdə yaradaraq virusa birlikdə qalib gələk!
Mənbə : Azərtac
