Erməni ( hay ) yoxsa türk qırğını

Ermənilər uydurduqları soyqırım hadisəsinə dünyanı inandırmaq üçün təkcə ermənilərdən yox həmçinin türklərin dünyada ən qəddar xalq kimi tanınmasında marağı olan Qərb dövlətlərindən də çox böyük məharətlə istifadə edirlər .Əslində Qərb dövlətləri bu niyyətlərinə çatmaq üçün ermənilərdən alət kimi istifadə edir eyni zamanda onlara dəstək olurlar .Türklərə qarşı yönəlmiş bu kampaniyanın bir tərəfi də erməni terror təşkilatları tərəfindən həyata keçirilən geniş miqyaslı qətliamlar haqqında olan informasiyaların məqsədli şəkildə gizlədilməsidir .Həmin türk qətliamları yalnız son dövrlərdə bəzi türk alimləri və onlara əməkdaşlıq edən xeyli sayda bitərəf tədqiqatçı alimlər tərəfindən üzə çıxarılmışdır .
Ermənilər özləri üçün yaratdığı dumanlı pərdənin arxasında gizlənərək var gücləri haray salaraq qışqırırlar ki,onlar erməniləri bir xalq kimi yer üzündən silmək niyyəti olan türklər tərəfindən qətliama və zülmə məruz qalmişlar.Türk tədqiqatçılarının araşdırmaları isə onların tam əksinə olduğunu sübut edir.Erməni azlığının comərd türklərin ,səlcuqların ,eləcə də Osmanlıların hökmranlığı altında əmin-amanlıq içində necə firavan yaşamaları haqqında ətraflı məlumat var.Onlar ermənilərin nəinki tam təhlükəsizliyini təmin etmiş ,həmçinin onlara dini azadlıqlar da verilmişdir.Ermənilər isə bunun qarşılığında tabe olduqları dövlətə qarşı üsyanlar qaldırmış əslində mehriban yaşadıqları yüz minlərlə günahsız türkü qətlə yetirmiş ,bunlardan başqa tükləri dünyada vəhşi qatil bir xalq kimi tanıtmaq üçün müxtəlif çirkin kampaniyalardan istifadə etmişlər.Əgər qeyri-türk mənşəli bitərəf tədqiqatçı alimlər qorxmayıb öz tədqiqatlarının nəticələrini vaxtında ictimaiyyətə açıqlamış olsaydılar türklərin ermənilər tərəfindən kütləvi qırğınlara məruz qaldıqlarına dair həqiqi faktlar çoxdan üzə çıxmış olardı .Erməni terror təşkilatları bu faktları ortaya çıxaran vicdanlı tədqiqatçılara açıq-aşkar hədə -qorxu gəlməkdən belə çəkinmirlər.Bu alimlər həqiqətən də ermənilərin iç üzünü ortaya çıxaran kitablar yazmış və həqiqətən də erməni terrorunun qurbanları olmuşlar .
Vaxt gələcək ki,elə bir gün gələcək ki, böyük dövlətlərin maraqları ermənilərin uydurduqları oyunun heç bir həqiqətə uyğun olmadığını etiraf etməyə məcbur edəcək .

Türkologiya Araşdırma Mərkəzi
Yazar: Zülfiyə Hüseynova