Döyüş xatirələri

Azərbaycan Respublikasının ərazi bütövlüyü uğrunda canından keçmiş şəhid qardaşlarımızın əziz xatirəsinə itfah edirəm.

Allah rəhmət eləsin.

DÖYÜŞ XATİRƏLƏRİNDƏN….

Biz tapşırığı yerinə yetirib geri qayıdanda artıq demək olar ki,gecə idi.Hər tərəf qaranlıq və ətrafı yolu seçmək qeyri mümkün idi…Bütün bunlarla bərabər mərkəzlə rabitə əlaqəsi də kəsilmişdi.Tapşırığın çətinliyi və eyni zamanda yolun uzunluğu bizi xeyli ləngitmişdi.Əməliyyat nəticəsində düşmənə xeyli itgi vermiş,maddi və psixoloji cəhətdən erməni əsgərlərini sarsıtmışdıq.Bu birinci dəfə deyildi.Bundan əvvəl də,bir neçə dəfə bu cür əməliyyatlar keçirmişdik..Artıq onlar bundan təngə gəlmişdilər və nəyin bahasına olursa olsun bütün bunların əvəzini çıxmaq istəyirdilər.Əslində planları çox bir şey deyildi,buna onların nə cəsarəti nə də gücü çatardı.Onlara yalnız biz ,-dəfələrlə ağılagəlməz üsullarla onları təşvişə salan,planlarını pozan və ən əsası günahsız insanlara zülm etməkdən məhrum edən biz üç kəşfiyyatçı lazım idik.. Əməliyyat zamanı xeyli ləngiməyimizi və gecə vaxtı yolun çətinliyini fürsət bilən erməni hərbi hissəsi komandiri arxamızca bir neçə nəfərdən ibarət əks-kəşfiyyatşı qrup göndərmişdi… Biz meşənin içəriləri ilə çox sakit və çox ehtiyyatla gedir,hava işıqlanana qədər gizlənəcək yer axtarırdıq.Deyəsən tapmışdıq da.Yerə çöküb sakitcə qarşımızdakı kiçik evi üç tərəfdən əhatəyə aldıq.İşarə ilə döyüş yoldaşlarım “YAQUAR”və “PƏLƏNG”-ə(bu onların şərti adları idi.)eyni vaxtda içəri girib evi nəzarətə götürəcəyimizi tapşırdım.Mən özüm qapıdan,onlar isə hərəsi bir pəncərədən girməklə içəri daxil olduq və qısa müşahidədən sonra buranın təhlükəsiz olduğunu anladıq.Səhərə qədər burada gözləməyi qərara aldıq və hərəmiz bir küncə qısılaraq,silahımıza sarılıb oturduq. Mən gözlərimi açanda artıq səhər açılmışdı.Nə vaxt yuxuya getdiyimdən xəbərim yox idi ancaq yoldaşlarım hələ də yatırdılar.Deyəsən biz bu gecə bir balaca zəiflik göstərmişdik.Bu balaca səhvin bizə həyatımız bahasına başa gələcəyini nəzərə alsaq,bunun heç də balaca səhv deyil,bağışlanılmaz bir günah olduğunu düşünmək olar.Bu fikirlərlə məşğul ikən ayaq səsləri eşidildi.Başımı qaldıranda “PƏLƏNG” və “YAQUAR”-ın artıq oyandığını gördüm.Heç şübhəsiz onlar da mənim kimi göstərdikləri zəifliyə görə özlərini günahlandırırdılar.Amma onu da gözəl başa düşürdülər ki,indi bunun vaxtı deyildi.Ayaq səslərindən mühasirəyə alındığımızı başa düşdük.Birdən bizə tanış və bir o qədər də nifrət elədiyimiz bir səs eşitdik. –”Ey turklar.Bilıram ki,içarıdasız.On daqıqaya çıxıb taslım olmasaz,sızı tutub dirı-dirı küluvuzu göyə sovaracam. Bəli o, idi.Dərhal tanıdım onu səsindən.Dəfələrlə əsirləri dəyişərkən rabitə əlaqəsində olmuş,bir dəfə də üz-üzə gəlmişdik onunla.Tanımamaq mümkün deyildi onun səsini.Unutmaq mümkün deyildi o iyrənc səsin sahibini.Ən iri miqyaslı hücumlara rəhbərlik edən,ən inanılmaz vəhşiliklərə əl atan,körpə uşaqların dilini,gözünü kəsib çıxaran,qadınların,qızların namusu ilə oynayan,şərəflərinə toxunan,qocalara belə rəhm etməyən Samuel Karapetyan adlı bir qaniçən idi bu səsin sahibi.Mən onu öz qanında boğacağıma and içmişdim və artıq deyəsən məqam yetişmişdi. Biz bir-birimizə baxır və heç nə fikirləşmirdik.Fikirləşəsi bir şey də yox idi.Bu şərəfli yola gələrkən içdiyimiz andı xatırladıq və nəhayət sakit səslə son əmrimi verdim: -Əgər döyüş qurtarana qədər təslim olası olsaq , son gülləni özünüzə saxlayın. -Oldu. -Baş üstə. Buraya daxil olduğumuz qaydada mən qapıda dostlarımsa hərəsi bir pəncərədə sipər tutduq.Bundan sonra bizi mühasirəyə alanların səkkiz nəfər olduğu aydınlaşdı.:ikisi mənə,ikisi Pələngə,dördü Yaquara qarşı sipər almışdı.Birdən güllələrin üzərimizə yağdığını hiss elədim.Atışma başlamışdı.O qədər də asan olmayacağı hiss olunurdu.Atışmanın nə qədər davam elədiyini bilmədim ancaq bir vaxt gördüm ki,atəşi dayandırdılar.Çevrilib Pələngə baxdım.O da eyni vəziyyəti müşahidə eləmişdi. -Bunlara nə oldu? İkimiz də dönüb Yaquara tərəf baxdıq.O,yerində yox idi.Birdən bərk partlayış eşidildi və yenə atışma başladı.Qəribə burası idi ki,bizə heç kim atəş açmırdı.Nə baş verdiyini anlayana qədər bir də baxdıq ki,qarşımızdakı əsgərlər yerə səriliblər.Hələ də nə baş verdiyini anlamırdım.Yerə çökmüş vəziyyətdə çölə çıxdım.Pələng Yaquarın bayaq durduğu pəncərəyə yaxınlaşdı. -Bunların dördü də ölüb.Mən tərəfdəkilər də. -Bəs bunları kim vurdu?Yaquar hanı? Ayağa qalxdım və heç gözləmədiyim,ürəyimi titrədəcək mənzərəylə qarşılaşdım. -Elxan,Elxan deyə qışqıraraq bədənində saysız-hesabsız güllə yaraları ilə yerdə uzanmış Yaquarı səslədim.Amma artıq o həyatda yox idi. Elxan pəncərədən aşaraq üzərində saxladığı ehtiyat qumbarası ilə qarşısındakı dörd düşməni məhv etmiş və bizimlə vuruşan əsgərləri də öldürmüşdü.Bu ona həyatı bahasına başa gəldi.O,bizi,-döyüş yoldaşlarını uşaqlıq dostlarını xilas etmək üçün bizdən gizli plan qurmuş və öləcəyini bilə-bilə bu planı həyata keçirmişdi.O,şəhid olmuşdu və artıq Samuel Karapetyan da öz qanında boğulurdu. Qeyri ixtiyari cəsədinin yanına gəlib diz çökərək başını qucağıma aldım.Xəyallar məni çox uzaqlara,-onunla birlikdə böyüdüyümüz uşaqlıq çağlarımıza aparmışdı.Elə aparmışdı ki,ürəyimi sızıldadan atəşin yanğısını,durmadan gözlərimnən axan yaşı və yanımda oturaraq için-için ağlayan Fərhadın hıçqırtısını belə hiss eləməmişdim. Biz çox çətin döyüşlərdən və amansız işgəncələrdən çıxmışdıq amma heç zaman nəinki qorxmamış,işgəncənin əzabından səsimizi çıxarmamış,hətta üzümüzün ifadəsini belə dəyişməmiş,nə qədər əzab çəkdiyimizi alçaq düşmənə bildirməmişdik.Amma indi bizi bu qədər sarsıdan və göz yaşlarına qərq edən,ürəyimizi titrədən bu ağrı başqa idi və bu ağrıya dözmək çox çətin idi. Şəhid qardaşımın başını sinəmə sıxaraq ürəyimin çox-çox dərinliyindən gələn bir fəryadla Tanrıya yalvarırdım: -İlahi,ömrünü bu vətənə həsr etmiş,millət yolunda vuruşmuş, qan tökmüş və son nəfəsini doğru bildiyi yolda vermiş şəhid qardaşımızı və bütün şəhidlərimizin qisasını almağı bizə nəsib et.İlahi vəhşicəsinə öldürülən uşaq,qoca və qadınların qisasını almağı bizə nəsib et.İlahi bu haqq yolda,sənin yolunda şəhid olmağı bizə nəsib et.AMİN,AMİN,AMİN………..

Müəllif : Bəhrəmli Bəhrəm Filoloq

BIR CAVAB BURAXIN

Rəyinizi daxil edin
Adınızı daxil edin