Get more stuff like this
Subscribe to our mailing list and get interesting stuff and updates to your email inbox.
Thank you for subscribing.
Something went wrong.
Dövlət İmtahan Mərkəzində (DİM) dövlət qulluğuna qəbul olmaq istəyən şəxslərin müsabiqənin test imtahanı mərhələsinə daha da səmərəli hazırlaşmalarına kömək məqsədilə keçiriləcək növbəti sınaq imtahanlarına qeydiyyat davam edir.
DİM-dən AZƏRTAC-a bildirilib ki, bu gün saat 17:00-a olan məlumata əsasən, oktyabrın 10-da və 20-də keçiriləcək sınaq imtahanlarında iştirak etmək üçün ümumilikdə 12 nəfər qeydiyyatdan keçib.
Xatırladaq ki, AA, AB, AC, BA, BB qrupları üzrə keçiriləcək sınaq imtahanlarında yeni test tapşırıqlarından istifadə olunacaq. İmtahanlar saat 10:00-da başlayacaq.
Namizədlər imtahanı DİM-in Nəsimi rayonu, Abdulvahab Salamzadə küçəsi, 28 ünvanında yerləşən binasında xüsusi ayrılmış zallarda kompüter vasitəsilə elektron formada verəcəklər. İmtahanlarda iştirak etmək üçün online qeydiyyat müvafiq olaraq oktyabrın 10-da və 20-də saat 9:00-da başa çatacaq. Qeydiyyatdan keçmək üçün http://eservices.dim.gov.az/dqq/Exam/TestExamRegCom keçidinə daxil olmaq lazımdır.
MƏNBƏ:AZƏRTAC
