Get more stuff like this
Subscribe to our mailing list and get interesting stuff and updates to your email inbox.
Thank you for subscribing.
Something went wrong.
Dağ fotoqrafik esse müsabiqəsi müraciətlər üçün açıqdır.
AZƏRTAC xəbər verir ki, bu müsabiqə Banff İncəsənət və Yaradıcılıq Mərkəzinin dağ mədəniyyəti layihəsidir. Layihə dağ yerlərinə aid təcrübələr, ideyalar və vizyonlara dair fikirləri paylaşmaq imkanları yaratmaqla dünyanın dağ yerlərinin daha çox tanıtımını və təbliğini həyata keçirir.
Müraciətlər yalnız fotoqrafik esse formasında qəbul ediləcək.
Şəkillər mədəniyyət, macəra, vəhşi təbiət, idman, ətraf mühit və ya təbiət tarixinə həsr edilən dağ hekayəsini təsvir etməlidir.
Şəkillər son iki il ərzində çəkilmiş olmalıdır. Beş fotoşəkildən ibarət hər bir fotoqrafik esse bir müraciətlə təqdim olunur.
Müraciətlər dağ hekayəsinin kompozisiya, texnika, məzmun və yaxşı işlənmiş şəkillərin orijinallığı baxımından çatdırılma effektivliyi əsasında qiymətləndiriləcək.
Müraciətlər mayın 4-dək qəbul olunacaq. Müraciət etmək üçün www.banffcentre.ca/photography-competition-entry-form ünvanına daxil olmaq lazımdır.
Mənbə : AZƏRTAC
