Gənc yazar Ceyhun Zərbəliyev ilə müsahibə

Müsahib Ceyhun Zərbəliyev “Sonuncu Əsr Hekayələri” kitabında yerləşən – “Özhür ruhun həqiqət arayış” hekayəsinin müəllifi

  • İlk dəfə nə vaxt hekayə yazmaq fikrinə düşdünüz? Sizi nə ilhamlandırdı?

 

Adətən yeni fikirlərim olanda müəyyən qeydlər aparıram. Heç vaxt düşünməmişəm ki, hekayə yazım. Roman yazmaq barədə fikrim olub, indi də var. Amma hələ ki, hekayə janrında özümü sınayıram. Bir müddət öncə oxucuların ədəbi fikirlərimə reaksiyalarını öyrənmək üçün mövcud olmayan bir romanın kiçik bir parçası kimi sosial şəbəkədə paylaşımlar etdim. Şərhlərdə bir neçə nəfər roman haqqında və müəllifin kimliyi barədə soruşaraq, romanı oxumaq istədiklərini bildirdilər. Bu marağı görüb qeydlərimi dialoqlara, dialoqları obrazların dili ilə hekayəyə çevirdim. İlk hekayəm “Yenidən başlamaq” şamanla söhbəti əks etdirir. Onunla bağlı əvvəlcə bir neçə nəfərin fikrini soruşdum və sosial şəbəkədə paylaşdım. Müsbət rəylərdən sonar qərara gəldim ki, davam edə bilərəm.

 

  • Ceyhun Zərbəliyev yaradıcılıqda daha çox hansı üsluba üz tutur?

 

Sadəcə bir neçə hekayə müəllifiyəm. Üsluba diqqət yetirmədən sadəcə özümü ifadə etməyə çalışıram. Mənəvi oyanış mövzuları isə həmişə mənə maraqlı olub.

 

  • «Özhür ruhun həqiqət arayışı» hekayəsini yazmaq fikri sizdənecəyarandı?

Həqiqəti axtaranlarla bağlı müəyyən qeydlər aparırdım. Həmin vaxt Sonuncu Əsr Dərgisi gənc yazarlar arasında hekayə müsabiqəsi elan edirdi. Düşündüm ki, dialoqları, qeydləri maraqlı hekayəyə çevirmək olar. Açığı bu, mənim üçün həm də növbəti test idi. Çünki hekayə yazaraq oxucuların önünə çıxmağ çox ciddi yanaşıram. Düşündüm ki, ilk onluqda olaramsa, yazmağa davam edəcəm.

 

  • Hekayədəbeləbir maraqlı fikir var: ”Bir insana ediləbilən ən böyük yaxşılıq ona anı yaşaya bilməyi öyrətməkdir”. Burada müəllif oxucunun diqqətini nəyə çəkmək istəyir?

 

Bəxş olunan ömrün hər anını indiki zamanda dəyərləndirməyə… İnanıram ki, bunu

bacara bilənlər xöşbəxtdirlər. Keçmişdə nə yaşadığından asılı olmayaraq onu olduğu kimi qəbul edən, şükrün mahiyyətinə varmış, gələcəyə dair nigarançılığı olmayan insanların sirri var. O sirr açılarsa, insan anı yaşaya bilir. Hekayə yazmağım oxucuları bu yolda ədəbi axtarışlarıma qonaq etməyə bənzəyir.

 

  • Daha bir maraqlı məqam isə – İlahiyyat vəincəsənət sintezi! Yaradıcılıq üçün bu üslub risklidirmi sizcə? Oxucuda necə əks-səda ala bilər?

 

Açığı bu hekayə birmənalı qarşılanmadı. Və hətta bu cür hekayələr yazmağa son verməyimi arzulayan dostlarım da oldu. Bəlkə də həqiqən risklidir, bəlkə də yox. Bu barədə düşünməmişəm. Sadəcə fikirlərimi obrazlarla ifadə edirəm. Mənim dünyamda bir inam var ki, hər şey niyyətə əsasən hesablanır. Kimsə ordan nəsə neqativ məqam tapmaq istəsə, mütləq tapacaq.

 

  • Ümumi olaraq, baş qəhrəmanınız olan, rəssamın həyat fəlsəfəsini bir dəsizdən öyrənək…

 

Özünü “axtaran” insan məncə maraqlı nəticələrlə qarşılaşır. Hər bir təcrübə isə nələrisə dərk etməyə kömək edir. Bu yolda olan rəssam sözün əsl mənasında xöşbəxt olmaq istəyir. Və axtarışdadır. Düşünür ki, onun öz suallarına cavab tapmağa haqqı var…

Müsahibəni hazırladı-“Sonuncu Əsr” Jurnalistika bölməsinin rəhbəri,jurnalist Aysel Qarayeva

BIR CAVAB BURAXIN

Rəyinizi daxil edin
Adınızı daxil edin