Nəfəsinizi tutun, adrenalinin ünvanını tapdıq

Maraqlı məqamlardan biridir ki, gənclər və özünü gənc hiss edənlər daim həyəcan, adrenalin axtarışındadır. Ehtiyacımız olan adrenalin isə bizi qorxu və təhlükə yaşamağa vadar edir. Necə? Cavablar müxtəlif ola bilər… Hündürlük, sürət, qaranlıq və qışqırıq səsləri ayrı- ayrılıqda həyəcan mənbəyi kimi görünür. Bir də bunların hamısını bir məkanda təsəvvür edin. Hansı ki, dünyanın müxtəlif yerlərində belə məkanlara minlərlə pul xərclənir. Gəzməyi özünə peşə seçən adrenalin həvəskarları isə bu yerlərin dadını çıxarmaq üçün səfərbər olur. Əgər siz də belə adrenalin ovçularındansınızsa, tam sizlik bir yazı təqdim edirəm.

Dünyanın ən təhlükəli və qorxulu atraksionları turistlərə həyəcan dolu dəqiqələr yaşatmaq üçün hazırlanmış ən maraqlı vasitələrdir.  Bunlardan bir neçəsini seçib təqdim edirəm.

“Silver Star”, Avropa parkı, Rust (Baden), Almaniya

“Silver Star” – Avropada ən yüksək polad konstruksiyalı atraksiondur. 2002-ci ildən istifadəyə verilib. Burada olan attraksion əvvəlcə 73 metr hündürlüyə yavaş-yavaş qalxdıqdan sonra 130 km/saat sürətlə hərəkətə başlayır.

“Thunder Dolphin”, Tokyo Dome City, Tokio, Yaponiya

“Thunder Dolphin” – sürət, hündürlük və ani enmə deməkdir. Bu attraksion binanı fırlanır və beton üzüyün içərisindən keçir.

“Extreme”, Las Vegas, ABŞ

Bu karusel 330 m yüksəklikdə yerləşir. Saniyələr içində sürət yiğaraq konstruksiyanın tam kənarında dayanır. Sanki bütün şəhər ayağınızın altında imiş kimi hiss edirsiz. Mexanizm sadə kimi səslənsə də, o dəqiqələri yaşamağa dəyər.

“Superman: Escape from Krypton”, Six Flags Magic Mountain, Kaliforniya, ABŞ

2011-ci ilə qədər “Superman” adı ilə məşhur olan bu attraksionun adı ilə yanaşı rəngi də dəyişib. “Superman: Escape from Krypton” indi yeni adla, 160 km/saata qədər sürət yığaraq və 126,5 metr hündürlüyə qalxaraq sizə necə adrenalin yaşatmağı bilir.

Eejanaika, Fuji-Q Highland, Yamanasi, Yaponiya

Növbəti attraksion “Eejanaika”dır. Burada “təpə”lərdə sürətlə hərəkət etdiyiniz zaman əyləşdiyiniz kreslo da 360 dərəcə fırlanır.

Dünyanı gəzməyə çıxa bilməyənlər isə heç ürəyini sıxmasın. Şəhərimizdə də anlıq adrenalin yaşamağa müxtəlif məkanlar var və yaradılır. Əsas məsələ isə ruhunuzdur. Ruhunuzu daim cavan, enerji dolu saxlayın. Bax o zaman yaçınıxdan asılı olmayaraq həyəcanınızı yaşaya bilərsiz 😉

BIR CAVAB BURAXIN

Rəyinizi daxil edin
Adınızı daxil edin