Bu gün Ulu Öndərin anım günüdür.

Səhər açılan kimi kədərli xəbər ölkəyə yayıldı. Azərbaycan xalqı Ulu Öndərinin cismani olaraq bu dünyanı tərk edişini böyük kədərlə qarşıladı. Sanki göy üzü də öz kədərini bildirirdi; buludlar bomboz rəngi ilə əvvəlki günlərdən seçilirdi. Həmin günü çox yaxşı xatırlayıram. 8 yaşında idim və ölümün nə demək olduğunu tam dərk edə bilmirdim. Amma şəhərdəki qəmi duyurdum və soyuq,buludlu gündə insanların üz ifadəsindən də hər şey məlum idi. Sonra məktəbdə, televiziyada ictimai yerlərdə bu haqda danışıldıqda kədərin dərinliyini daha çox anlamağa başladım.

Artıq 15 il keçib həmin gündən. Bizim Ulu Öndərimiz cismani olaraq bizləri tərk edib. Amma mənəvi olaraq daim bizimlədir. Azərbaycanı çətin günlərdən xilas edən uzaqgörən siyasətçi H.Əliyevin bünövrəsini qoyduğu və bu gün də davam edən uğurlu siyasət onun bizə ən böyük töhfəsidir. Biz də öz fəaliyyətimizlə ölkəmizi daha da inkişaf etdirməli və dünyaya tanıtmalıyıq!

BIR CAVAB BURAXIN

Rəyinizi daxil edin
Adınızı daxil edin