Berqamotun tarixi

Berqamot (lat. Citrus bergamia) Hindistanda yetişən limona bənzər bir sitrus bitkisidir. Dadı limon kimi turşməzə olan berqamotun yağı sıxma üsulu ilə əldə edilir. Bu yağ əsasən ətriyyatda istifadə edilir.

Bu gün “berqamot ətirli” çaylara rast gəlirik. Bu bitkinin çayla nə əlaqəsi var?

Berqamot ətirli çay 1830-1834-cü illərdə Böyük Britaniyanın Baş naziri olmuş Qraf Çarzl Qreyin adı ilə (Earl Qrey) bağlıdır.

Bəs, berqamot ətirli çay necə əldə edilib?

Deyilənə görə, 1838-ci ildə Hindistandan Böyük Britaniyaya çay və berqamot yağı daşıyan gəmi fırtınaya düşür və bir neçə berqamot çəlləyi aşır, yağ çayın üzərinə tökülür. Hər iki yükün qiyməti baha olduğundan ziyana getməmək üçün “zay olmuş” çayı satışa çıxarırlar. Amma gözlənilənin əksinə bu çay ingilislərin çox xoşuna gəlir və yeni növ çayı Qraf Çarzl Qreyin şərəfinə Earl Qrey adlandırırlar.

BIR CAVAB BURAXIN

Rəyinizi daxil edin
Adınızı daxil edin