Avtomobil sənayesinin şlyageri-“Bentley”

Avtomobil sənayesinin “şlyageri”,xəyallarımızın lyüksü Bentley avtomobillərinin şöhrəti və modellərinin əvəzsizliyi haqqında çox danışmaq olar. lakin bu yazıda tarixinə göz atacağıq.

Keçən yüz illiyin 20-ci illərində Bentley oğlanlarının məşhurluğu bütün Avropanı vəcdə gətirirdi. Bəs “Bentley Boys” kimlər idi?

Bu oğlanlar Britaniyanın ən məşhur ailələrinin övladları idilər və qəzetlərin üzqabıqlarını daim bəzəyərdilər. Öz zadəgan həyatlarına ildə bir dəfə fasilə verər, La-Manş boğazını aşar, 24 saatlıq Le-Man marafonunda öz rəqiblərini məğlub edər, daha sonra geri dönərdilər.

Londonda isə onları , bu qalibiyyət münasibəti ilə ən gözəl xanımlar, bol şampan şərabı və daha böyük məşhurluq gözləyərdi. Adrenalin narkomanları, pleyboylar və avantüristlər. Bu adamlar hər şeydən mərcə gələrdilər. Onlardan biri də Vulf Barnato idi. Vulf cənubi afrika almaz şaxtaları sahibinin varisi idi. O, yeganə idmançı idi ki, Le-Man yarışlarında 3 dəfə iştirak edib və hər üçündə qalib olub. Əlavə olaraq, Barnato əla boksçu və mahir tenis ustasıydı. Məhz onun investisiyası hesabına Bentley Motors Ltd ən çətin vaxtında biznes dənizində boğulmadı. Heç kimə sirr deyil ki, avtoidman ikinci avtomobil işıq üzü görəndə dünyaya həlib. Amma o zaman başqa bir dəbdə olan yarışma var idi. Bu qatarla yarış idi.

O zamanlar bir çox insan qatardan A nöqtəsindən B nöqtəsinə daha rahat və tez çatmaq üçün istifadə edirdilər. Hekayəmiz isə belə başlayır. 1930-cu ildə britaniyalı publisist Dadli Noubl özünün Rover Light Six avtomobili ilə fransız ekspresi Lr Train Bleu -nu Kann (Aralıq dənizi sahilində fransız şəhəri) şəhərindən Kale ( Le-man boğazında fransız şəhəri) şəhərinə qabaqlacağını mərcə gəlir. 1210 km-ik , 20 saatlıq marafon avtomobilin 20 dəqiqəlik üstünlüyü ilə başa çatır. Bu mərc həmin dövrlər Rover markası üçün əla reklam olur. Həmin ilin mart ayında iki qat Le-Man çempionu dostları ilə çay içən zaman qəzetdə Roverin uğuru barəsində məqaləni oxuyur və deyir:” Asta gedən qatarı ötməyə nə var ki?! Mənim daha yaxşı ideyam var”. Carlton oteldə çay içən Vulf stolun üstünə 100 funt qoyur: Mən Londondakı klubuma Le Train Bleu-dan daha tez çataram, nəinki qatar Kale şəhərinə yetişər”.

Centlmen dedi, centlemen etməlidir.

Bentley Speed Six Saloon

Növbəti gün, 13 mart 1930-cu il, saat 17:45-də Le Train Bleu Kann sahillərini tərk etməyə başladı. Həmin vaxt isə Barnato qolfçu dostu Deyl Born ilə Carlton Hotelin barını tərk edir və Bentley Speed Six Saloon-un sükanı arxasına keçir. Bu avtomobilin kapotu altında 6.5 litrlik motor gizlənirdi. Mühərrikin gücü 180 at gücü idi. Bu güclü mühərrik barəsində Ettore Bugatti deyir: “Uolter Ouen Bentley dünyada ən süfətli yük avtomobili hazırlayır”. Yanacaqdoldurma stansiyası problemini öncədən bilən Vulf Liondakı qaraj sahibi ilə gecə yarısı bağlanmamaq razılığına gəlir. Onlar Lionu tam dolu çən və bir neçə dolu yanacaq qabı ilə tərk edirlər. Yolda centlmenlər güclü yağışa düşür. Və bu onların orta sürətinə çox pis təsir göstərir. Amma problemlər hələ bitmir. Saat 04:20-də Oserə çatanda, yanacaqdoldurma stansiyası tapmaq üçün çox vaxt itirirlər. Parisdə isə onları qatı duman gözləyirdi. Fransanın paytaxtına qrafikdən 45 dəqiqə gec çatdılar. Parisi tərk edəndə isə təkər deyişildi. Ehtiyat təkər isə bir dənə idi.

“Mən buna çox sakit yanaşdım. Sanki bizim bir ehtiyat təkərimiz var idi. Və özümü elə apardım ki, yenə təkərimiz deşilsəydi problemi həll edərdik“ .

O, bunu marafonun sonunda britaniyalı jurnalistlərin sualına cavab verərkən deyir. Xoşbəxtlikdən başqa bir problem yaşanmır və saat 10:30-da ekipaj bulon limanına yaxınlaşır. Kral avtomobil klubu-nun sayəsində gömrük rəsmiləşdirilməsi 80 dəqiqə çəkir. Və Barnato və Born poketbotda çox yaxşı intervalla limanı tərk edərək Britaniya adalarına doğru yol alırlar. Saat 15:20 . . . Vulf Barnato və onun yolyoldaşının üzünə St.James Street-də yerləşən klubun qapıları açılır. Bundan 4 dəqiqə sonra isə Le Train Bleu Kale vağzalına çatmaq münasibəti ilə fit verir. Bu Vulfa mərci dəfələrlə üstələyən cərimələr hesabına başa gəlir. Amma bu mərc Bentley Motors-un Paris avtosalonuna giriş bileti olur. Paris sərgisi yadda qalmayıb, amma bu mərc tarixə düşüb.

Mənbə: Dj.Turalla AvtoStop

BIR CAVAB BURAXIN

Rəyinizi daxil edin
Adınızı daxil edin