Bakıda geologiya və geofizikanın müasir problemlərinə dair beynəlxalq elmi konfrans keçiriləcək

Azərbaycan Milli Elmlər Akademiyasının (AMEA) Geologiya və Geofizika İnstitutu iki ildən bir gənc mütəxəssis, doktorant və tələbələr üçün geologiya və geofizikanın müasir problemlərinə həsr olunan beynəlxalq elmi konfrans təşkil edir.

AMEA-dan AZƏRTAC-a bildirilib ki, oktyabrın 15-dən 18-dək keçiriləcək “Geologiya və geofizikanın müasir problemlərinin həllində informasiya texnologiyaları” adlı növbəti VII beynəlxalq elmi konfrans Geologiya və Geofizika İnstitutunun 80 illiyinə həsr olunacaq.

Konfransın işində dünyanın 18 ölkəsindən 140-dan çox gənc tədqiqatçı iştirak edəcək.

Beynəlxalq tədbirə BP, TOTAL və SOCAR maliyyə dəstəyi verir.

Konfransın açılış mərasimi oktyabrın 15-də saat 10:30-da AMEA-nın Mərkəzi Elmi Kitabxanasında olacaq.

MƏNBƏ:AZƏRTAC

BIR CAVAB BURAXIN

Rəyinizi daxil edin
Adınızı daxil edin