Bakı Dövlət Universitetinin 100 illik yubileyi ilə bağlı təşkilat komitəsi yaradılıb.

Get more stuff like this

Subscribe to our mailing list and get interesting stuff and updates to your email inbox.

Thank you for subscribing.

Something went wrong.

Bakı Dövlət Universitetinin (BDU) 100 illik yubileyi ilə bağlı təşkilat komitəsi və işçi qrupu yaradılıb.
Bu barədə AZƏRTAC-a BDU-nun mətbuat və informasiya şöbəsindən məlumat verilib. Bildirilib ki, BDU-nun rektoru vəzifəsini icra edən, təhsil nazirinin müavini Firudin Qurbanov “Bakı Dövlət Universitetinin 100 illik yubileyinin keçirilməsi haqqında” Azərbaycan Prezidentinin 2017-ci il 14 noyabr tarixli Sərəncamını əsas tutaraq “Bakı Dövlət Universitetinin 100 illik yubileyinə həsr olunmuş “Tədbirlər planı”nın təsdiq edilməsi, yubiley tədbirlərinin təşkili və həyata keçirilməsi üçün zəruri hazırlıq işlərinin aparılması, o cümlədən nəzərdə tutulmuş tədbirlərin icrasını təmin etmək məqsədilə təşkilat komitəsi və işçi qrupunun yaradılması haqqında əmr imzalayıb.
Qeyd edək ki, Bakı Dövlət Universitetinin 100 illik yubileyi ilə əlaqədar təntənəli mərasimin, universitet məzunlarının forumunun, BDU-nu ötən illərdə bitirmiş məzunlar arasında “BDU xatirələrdə” adlı yazı müsabiqəsinin, ali təhsil müəssisələrində universitetin 100 illiyi münasibətilə tədbirlərin, silsilə elmi-praktik konfransların, BDU-nun nəzdindəki “Gənc istedadlar” liseyinin bazasında respublika liseyləri şagirdləri arasında fənn olimpiadalarının və yubileylə bağlı müxtəlif idman yarışlarının keçirilməsi nəzərdə tutulur.
Eyni zamanda, Milli Azərbaycan Tarixi Muzeyində Bakı Dövlət Universitetinin şərəfli inkişaf yolunu əks etdirən xüsusi guşənin yaradılması, universitetin tarixini əks etdirən kitabların hazırlanması və nəşri, universitet haqqında sənədli film çəkilişi, “Xatirə yubiley” medalının, döş nişanlarının buraxılması, rəsm və foto müsabiqəsi, Bakı Şəhəri üzrə Təhsil İdarəsi ilə birgə tədbirlərin, universitet tələbələri üçün liderlik və innovativ sahibkarlıq tədris proqramlarının təşkili və keçirilməsi də 100 illik yubileylə bağlı görüləcək işlərə daxildir.

Mənbə : Azərtac

How useful was this post?

Click on a star to rate it!

Average rating / 5. Vote count:

As you found this post useful...

Follow us on social media!

We are sorry that this post was not useful for you!

Let us improve this post!

Share

BIR CAVAB BURAXIN

Rəyinizi daxil edin
Adınızı daxil edin