Bədənimizin ən kirli hissəsi haradır?

Bədənimizin ən kirli hissəsi haradır? Aramızdakı ən təmiz, şəxsi gigiyena qaydalarına əməl edən insanın belə bədənində elə bir hissə var ki, orada minlərlə fərqli bakteriya yaşayır. Xeyr, bu nə qoltuq altımız, nə ağız və burnumuz, nə də ki, cinsiyyət orqanımız deyil! Bu göbək dəliyimizdir! Mütəxəssislər özündə saxladığı 2368 fərqli bakteriya növü ilə göbək dəliyimizin bədənimizdəki ən kirli hissə olduğunu düşünürlər. Göbək dəliyimiz gün ərzində tər, kir, ölü dəri kimi bir çox bakteriyanı özünə cəlb edir. Təəssüf ki, duş qəbul edərkən göbək dəliyimiz heç də yaxşı təmizlənmir. Nisbətən təmizlənməsi üçün xüsusi qulluq lazımdır. Ötən dövrlərdə aparılan araşdırmalarda mütəxəssislər elm dünyasının ilk dəfə qarşılaşdığı və sadəcə göbək dəliyimizdə yaşayan bir çox yeni bakteriya növü kəşf etdilər. Araşdırmanı indi də davam etdirən Şimali Karolina Dövlət Universitetindən professor Rob Dunn və komandası bugünədək göbək dəliyimizdə 1000-ə yaxın bakteriya növünün kəşf olunduğunu bildirsə də aparılan sonuncu araşdırmalar bu rəqəmi 2368-ə çatdırıb. Yaxşı, bəs bədənimizin bu kirli hissəsini necə təmizləyə bilərik? Mütəxəssislər bildirirlər ki, göbəyimizi tez-tez duzlu su ilə yumalıyıq. Çünki duzun tərkibindəki xlor elementi bakteriyaların çoxalmasına səbəb olan mikrobları öldürür. Göbək dəliyimizi daha təmiz hala gətirmək üçün edə biləcəyimiz digər bir üsul isə onu bir parça pambığa tökdüyümüz spirtlə təmizləməkdir.

Mənbə:elmazerbaycan.org

1 rəy

  1. Salam,

    Bəs bu bakteriyalarla zəngin olan hissənin heç bir hikməti görəsən yoxdur mu ?

    Bəlkə də bu hissədə bakteriya çoxalması hansısa immun sistemə faydası ola bilər.
    (sadəcə fərziyədi )

BIR CAVAB BURAXIN

Rəyinizi daxil edin
Adınızı daxil edin