Azərbaycan teatr tarixində bir ilk – “Sara” tamaşası

Sabah teatr tariximizdə bir ilk yaşanacaq! Azərbaycanda ilk dəfə olaraq canlı dekorasiyadan (açıq havada, səma altında tarixi abidələrin fonu) istifadə edilərək nümayiş olunacaq tamaşa şifahi xalq ədəbiyyatı nümunələrindən sayılan  “Apardı sellər Saranı” xalq dastanının motivləri əsasında  hazırlanıb. Aktyorlar tamaşanı məkan olaraq tarixi abidələr sayılan Şamaxıda, KƏLƏXANA türbələrində oynayacaqlar. Mingəçevir Dövlət Dram Teatrının səhnələşdirdiyi “Sara” adlı yeni tamaşa dövlət televiziyası AZTV tərəfindən çəkilərək nümayiş olunacaq və çəkilişlər yüksək texnologiyalar vasitəsiylə (ULTRA HD) lentə alınaraq qızıl fonda düşəcək.

Ölkəmizdə sentyabrınn 18-i dahi sənətkar Üzeyir Hacıbəyovun anadan olduğu tarixlə bağlı olaraq Milli Musiqi Günü kimi qeyd edilir. Dahi sənətkara ithaf olaraq Mingəçevir Dövlət Dram Teatrı premyeranı məhz bu günə salmaqla milli musiqimizə, milli mədəni mənəviyyatımıza öz töhfəsini edir.

Ölkəmizdə ilk dəfə olaraq Mingəçevir Dövlət Dram teatrı premyeranı tam şəkildə də olmasa, fraqmentlərlə internet üzərindən dünya premyerası edərək yeniliyə imza atmış olacaq.  Eksklüziv televiziya nümayişindən sonra “Sara” tamaşasının tam video variantı teatrın sosial şəbəkələrdəki səhifələri üzərindən yayımlanacaq.

Tamaşanın yaradıcı heyəti :

Tamaşanı səhnələşdirən : BƏHRAM OSMANOV-Əməkdar incəsənət xadimi

Quruluşçu rejissor : CAVİD TƏVƏKKÜL

Rejissor asissentləri : MƏLAHƏT AĞAYEVA, ASİM MƏMMƏDOV

Quruluşçu rəssam : RƏFAEL HAŞIMOV- Əməkdar rəssam

Musiqi tərtibatı : ELNUR RƏSULOV

Rəqslərin quruluşu : EYVAZ ƏLİYEV

Layihənin rəhbəri : SƏXAVƏT MƏMMƏDOV

Rollarda :

Mənzər – ELLA YAQUBOVA (xalq artisti)

Xan (yaşlı) – ŞIXI YAQUBOV (əməkdar artist)

Sara – AYGÜN FƏTULLAYEVA

Xan (gənc) – İLQAR RƏHİMOV

Sarvan (yaşlı) – AYDIN BALOĞLAN QULİYEV (Tərəqqi medalı)

Sarvan (gənc) – HÜSEYN MUSTAFAYEV

Gözəl – VÜSALƏ QULİYEVA

Xan çoban – PAŞA SALMANOV

Kütləvi səhnələrdə :

EYVAZ ƏLİYEV, CEYHUN ƏHMƏDOV, TURQUT MƏSİMLİ, GÜLXATUN ABDULLAYEVA, TÜRKAN ALIŞZADƏ

Yaradıcı heyətə uğurlar arzulayır və karantin rejimində incəsənətimiz, teatrımız üçün əzmlə çalışdıqlarına görə dərin təşəkkürümüzü bildiririk!