Get more stuff like this
Subscribe to our mailing list and get interesting stuff and updates to your email inbox.
Thank you for subscribing.
Something went wrong.
Azərbaycan Dillər Universitetində (ADU) Türk Dili Günü münasibətilə Bakı Uşaq Teatrının yaradıcı heyətinin hazırladığı “Kimdir müqəssir?” tamaşası nümayiş olunub.
ADU-dan AZƏRTAC-a bildirilib ki, Əbdürrəhim bəy Haqverdiyevin eyniadlı pyesi əsasında hazırlanan səhnə əsərinə Elşən Zeynallı quruluş verib.
ADU-nun tələbə həmkarlar ittifaqı komitəsinin təşkilatçılığı ilə keçirilən tədbirdə teatrın bədii rəhbəri və direktoru İntiqam Soltan, bu universitetin rektorunun məsləhətçisi Anar Osmanlı, Tərcümə və mədəniyyətşünaslıq fakültəsinin dekanı Bənövşə Məmmədova, Tələbə Həmkarlar Təşkilatının sədri Aytəkin Mehdiyeva, həmçinin tələbələr iştirak ediblər.
Tamaşadan əvvəl çıxış edən İ.Soltan birinci kurs tələbələrini təbrik edib, onlara təhsillərində uğurlar arzulayıb.
Sonra tədbir iştirakçıları tamaşanı izləyiblər.
Sonda A.Osmanlı tamaşanın yüksək səviyyədə nümayişinə görə Bakı Uşaq Teatrının yaradıcı heyətinə minnətdarlığını bildirib, əməkdaşlığın bundan sonra da uğurla davam edəcəyini diqqətə çatdırıb.
MƏNBƏ:AZƏRTAC
