Azərbaycan Texniki Universitetində Çin dili tədris olunacaq

Get more stuff like this

Subscribe to our mailing list and get interesting stuff and updates to your email inbox.

Thank you for subscribing.

Something went wrong.

 

Bakı Dövlət Universitetinin (BDU) nəzdində fəaliyyət göstərən Konfutsi İnstitutunun nümayəndələri Azərbaycan Texniki Universitetində (AzTU) tələbələrlə görüş keçiriblər.

AzTU-dan AZƏRTAC-a bildiriblər ki, bu ali təhsil ocağının beynəlxalq əlaqələr üzrə prorektoru, professor Sübhan Namazov ulu öndər Heydər Əliyevin uzaqgörən siyasəti nəticəsində müstəqilliyimizin ilk illərində qurulan və inkişaf etdirilən Azərbaycan-Çin əlaqələrindən danışıb. Çinin siyasi-iqtisadi gücünə diqqət çəkən prorektor bildirib ki, qloballaşan dünyada hər beş nəfərdən biri Çin dilində danışır. Yüksək səviyyəli təhsil sisteminə malik olan Çin dövlətinin xarici tələbələr üçün yaratdığı imkanlardan yararlanmaq məqsədilə AzTU-da Çin dili kurslarının formalaşdırıldığını bildirən prorektor deyib ki, artıq tələbələrin kurslara qeydiyyatı aparılır.

Konfutsi İnstitutunun direktoru Luo Yuan Canq da öz növbəsində ölkəmizlə Çin arasındakı dostluq münasibətinin yüksək səviyyədə olduğunu bildirib. Konfutsi İnstitutu haqqında geniş məlumat verən Luo Yuan Canq qeyd edib ki, institutun əsas məqsədi Azərbaycanda Çin dili və mədəniyyətini təbliğ etməkdir.

Daha sonra Konfutsi İnstitutunun nümayəndəsi Cınq Çun Siao HSK (Çin dilində yazı imtahanı) və HSKK (Çin dilində danışıq imtahanı), həmçinin Çin universitetlərinə qəbul qaydaları, təqaüd qazanma yolları, eləcə də Çinin mədəniyyətini təbliğ edən beynəlxalq müsabiqələrdə iştirak haqqında məlumat verib. Cınq Çun Siao çıxışında indiyə kimi HSK və HSKK imtahanları verən azərbaycanlı tələbələr haqqında da danışıb. O qeyd edib ki, bu günə kimi keçirilən 12 imtahanda 690 tələbə iştirak edib. Onlardan 468 nəfəri imtahandan müvəffəq qiymət alıb.

MƏNBƏ:AZƏRTAC

How useful was this post?

Click on a star to rate it!

Average rating / 5. Vote count:

As you found this post useful...

Follow us on social media!

We are sorry that this post was not useful for you!

Let us improve this post!

Share

BIR CAVAB BURAXIN

Rəyinizi daxil edin
Adınızı daxil edin