Alisa Möcüzələr Diyarında Sindromu.

İngilis dilində “Alice in Wonderland syndrome (AiWS)” adlanan bu sindrom cisimləri olduğundan böyük və ya kiçik görmək kimi problemlərlə xarakterizə olunur.

Məsələn,normalda hərəkət edərək bizə yaxınlaşan obyektləri necə görürük? Obyekt yaxınlaşdıqca cisim də böyüməyə başlayır. Eynilə də bizdən uzaqlaşan obyektlərin də kiçildiyini müşahidə edirik. Bəhs etdiyimiz sindromdan əziyyət çəkən insanlar üçün isə bu keçərli deyil. Lakin, burada məsələ qətiyyən görmə problemi deyil. Bu sadəcə təbiətin onlara oynadığı oyun, aldadıcılıqdır.

Bəs,bu sindromun əlamətləri nələrdir?

1) Şəxsin hərəkətlərində assimetriya;

2) Görmə, məsafə, zaman alqısında pozulmalar;

3) Toxunma hissində pozulmalar (sərt əşyaya toxunub yumşaq kimi hiss etmək);

4) Səs alqısında pozulmalar (təbiətin səslərini daha güclü eşitmək).

Qeyd etdiyimiz əlamətlər təkcə bu sindromun olması ehtimalının göstəricisi deyil. Bəzən yuxusuzluq və yorğunluq da bu əlamətlərə səbəb ola bilər.

Bəziləri «Alisa Möcüzələr Ölkəsində» kitabının müəllifi Luis Carrol-un da AİWS-dan əziyyət çəkdiyini iddia edirlər. Dəlil olaraq, əsərdəki «Bir quzğun niyə iş masasına bənzəsin ki?» cümləsini göstərirlər. Bəlkə də yazıçı özü bilərəkdən bu cümləni istifadə etmişdir ki,həm əsər daha maraqlı alınsın, həm də oxucuda şübhə yarada bilsin. 🙂