Ağsu şəhərinin yaradıcısı – Nadir şah Əfşar

Ağsu şəhərini 1735-ci ildə Nadir şah Əfşar saldırıb.

Şəhər Şamaxının zəlzələdən dağılması səbəbindən yaradılıb. Ruslar ona hətta “Yeni Şamaxı” deyiblər. Qədim Ağsunun bütün evləri üzü qibləyədir. Şəhərin altından çoxlu su xətləri keçir. Evlərin, yolların, məscidin altında belə saxsı borular aşkarlanıb. Bunların hamısı dəstəmaz və qüsl ehtiyaclarına hesablanıb.
Sahəsi 576 kvadrat metr Cümə məscidi çay daşından və çiy kərpicdən hazırlanıb. Deyilənə görə, bu məscid Özbəkistanın Xarəzm şəhərinin Xivə vilayətində olan məscidlə eynilik təşkil edir. Nadir şah ora gedəndə ord məscidi görüb və oxşarını burada tikdirib. Məscid ruslar tərəfindən dağıdılıb. Qazıntılar zamanı buradan top mərmilərinin də tapılması bunu sübut edir.

Aşkar olunmuş məscid dövrünün ən böyük ibadət evlərindəndir. Binanın üstü 60 ton ağırlığında kirəmitlə örtülüb. Həyətində 150 tonluq su anbarı olan dəstəmazxana, Molla Məhəmməd Hüseyn adı yazılmış məzar, bir neçə uşaq qəbri aşkarlanıb.

BIR CAVAB BURAXIN

Rəyinizi daxil edin
Adınızı daxil edin