Adamın lap turist olmağı gəlir

New Yorkdakı 3.4 kvadrat kilometrik əraziyə sahib Central Parkın quşbaxışı görünüşü. Ən yüksək göydələnlərin arasında bu ərazini saxlamaq həqiqətən möhtəşəm görüntü yaradib. Dünyanın ən məşhur şəhərlərindən olan 8.2 milyon əhalisi ilə New Yorka ildə təxmini 40 milyon Turist gəlir, il boyu otellərin 85.3 %-i dolu olur, bu turistlər təxmini ildə 32 milyard dollar xərcləyir.

Bu şəhər incəsənət və mədəniyyət baxımından çox zəngindir, burada məşhur teatrlar, muzeylər, qalereyalar, kitab mağazaları, restoranlar və etnik icmalar yerləşir. Nyu-York əvvəllər Yeni Amsterdam adlanırdı, sonra o, İngiltərə Kralı II Çarlzın qardaşı York Hersoqun şərəfinə Nyu-Yorka, yəni Yeni Yorka dəyişdirildi. Millətlərin mövcudluğu və çoxsaylı etnik mədəniyyətlərin təsirindən Nyu-York beynəlxalq miqyasda xeyli əhəmiyyətli şəhər sayılır. Nyu-Yorkun hər köşəsi insana enerji və ruh yüksəkliyi bəxş edir, siz burada istəsəniz də depressiyaya düşə bilməyəcəksiniz. Bəziləri Nyu- Yorkun vurğunudur, bəziləri isə onu sevmir, amma hər gün dünyanın hər yerindən buraya milyonlarla insan gəlir. Gəlir ki, əfsanəvi şəhərin küçələrini öz gözləri ilə görsün!New York ABŞın əhali baxımından ən böyük şəhəridir. Nyu York şəhər olaraq 5 hissəyə ayrılır.Manhetten,Bruklin, Kuins, Bronks və Staten-Aylend

Nyu York imiqrantlar şəhəri sayılır. Burda 180-dan çox dil ilə danışan insanlar yaşayır. İlkin olaraq Nyu York 1613-cü ildə hollandlar tərəfindən Nyu-Amsterdam adı altında yaranmışdır. Daha sonra şəhərin əsası 1624-cü ildə qoyulmuşdur və 1653-cü ildən isə şəhər status almışdır. 1664-cü ildə Birləşmiş krallığın əlinə keçdikdə şəhər Nyu York adlandırılmışdır və 1778-ci ildə isə yeni qurulan ABŞ-ın paytaxtı olmuşdur.

Nyu York dünyanın ən böyük təşkilatlarının ev sahibidir.Bunlardan maliyyə dünyasının ürəyinin olan Uoll Strit (Wall Street) prospekti (Nyu-Yorkun Manhetten hissəsində yerləşir.) ,Nyu-York Fond Birjası qeyd etmək. Daha sonra məşhur Azadlıq Heykəli Nyu-York limanındakı Liberti adasında yerləşir. Gözəl görüntüyə sahib teatr və müzik-hollar Brodvey prospektinin ətrafında toplanmışdır. Nyu-York aeroportu isə dünyanın ən çox sərnişin daşıyan hava limanlarından biri sayılır.

Bundan başqa Metropolitan Museum of Art, Müasir İncəsənət Muzeyi, Quggenhaym Muzeyi kimi muzeyləri məhz Nyu Yorkda yerləşir.

Bildiyiniz kimi, amerikada milli mətbəx anlayışı yoxdur. Buna səbəbi aydındır. Nyu-Yorkda başqa xalqların müxtəlif restoranları  fəaliyyət göstərir ki, dünyanın istənilən yerindən gələn insan burada öz ağız dadına uyğun və hətda öz xalqının milli mətbəxinə aid təamlar axtarmaqda çətinlik çəkməyəcəkdir. Bu səbəbdən də burada italyan, çin, rus, türk, Braziliya, Meksika, hind, hətta Azərbaycan restoranlarına rast gələ bilərsiniz. Nyu Yorkda ən çox sevilən yeməklərdən biri məşhur italyan pizzasıdır.

İnsanların danışıq ləhçəsidə müxtəlifdir. Ən çox danışılan dil sırasında ingilis dilindən sonra ispan dili gəlir. Lakin buna baxmayaraq burda dil ləhçəsi o qədər zəngindir ki, bəzən ingilis dilində danışan bir insanı belə anlamaq olmur..

Şəhərin görməli məkanları: Azadlıq heykəli, Müasir Sənət Muzeyi, Empayr Steyt Binası, Quqqenhaym Muzeyi Sentral Park və Tayms Meydanı, və Müasir Tarix Muzeyləri və.s

Nyu-York dedikdə hər kəsin ağlına ilk əvvəl Amerikanın rəmzi olan Azadlıq Heykəli gəlir. Tam adı “Dünyaya işıq saçan azadlıq” olan bu heykəlin  hündürlüyü 46 metrdir. Bu heykəl Azadlıq adasında yerləşir. 1886-cı ildə Fransadan müstəqillik deklarasiyasının qəbul edildiyi gün hədiyyə olaraq gətirilib. Sağ əlində məşəl, solda isə üstündə «JULY IV MDCCLXXVI» (4 iyul — Müstəqillik deklarasiyasının qəbul olunma günü) yazılan kitab var. Azadlıq adasına gəmi ilə getmək olar. Göydələnləri ilə zəngin olan Nyu York da ən məşhur  Empayr Steyt Bildinq göydələnidir ki, onun hündürlüyü 449 metrdir.