Get more stuff like this
Subscribe to our mailing list and get interesting stuff and updates to your email inbox.
Thank you for subscribing.
Something went wrong.
Bu dəfəki film rubrikasında ən sevdiyim və hind filminə baxmağıma səbəb olan o möhtəşəm aktyorun rol aldığı 3 axmaq (3 idiot) filmi yer alır. Film o qədər möhtəşəmdir ki, filmi izlədikdən sonra yaranacaq sehri bayağı cümlələrlə pozmaq istəmirəm.
Filmin müddəti 3 saata yaxındır, amma əmin olun ki, həyatda qazanıla biləcək ən yaxşı zamandır bu filmə xərclədiyiniz zaman, itiriləcək demirəm, bəli, sizi qazanacağınız zaman olacağına yəqin edirəm. Hər kəsin, xüsusən də tələbələrin izləməli olduğu filmdir deyə bilərəm.
İMDB puanı 8.4-dür. Film komediya, dram janrlarındadır.
Aamir Khan, sən nələrə qadirsən belə?! Hər filmində insanlığı aşılayan, “hər şey yaxşı olacaq” düşüncəsi yaradan o yeganə insan, düşüncələrimin xilaskarı!.
Deməli, film Hindistanın ən yaxşı universitetinin, mühəndislik fakültəsində təhsil alan 3 gəncin( Raju, Farhan, Rancho) dostluğundan və onların həyatından bəhs edilir. Dostların əsas məqsədi təhsil aldıqları Univeristeti fərqlənmə diplomu ilə bitirib yaxşı kariyeraya sahib olmaqdır. Ancaq onlardan birinin məqsədi və düşüncələri bir az fərqlidir o oxuduğu fakültəni bir iş deyil həyat fəlsəfəsi olaraq görür. Sonda inam, mübarizə, iradə, ağıl, bilik və sevginin hər şeyə qalib gəlməsi insanlara aşılana biləcək ən yaxşı inam şəklidir. Həmçinin, təhsildəki çatışmazlıqlar, təhsillə bağlı iradlar da öz əksini tapıb.
Film bir tərəfdən güldürərkən, bir tərəfdən də ağladır. İzlədikdən sonra isə insanı “öz həyatımı necə dəyişə bilərəm?” deyə düşündürür.
Film haqqında günlərlə danışa bilərəm, amma heç biri izləyəndə alacağınız həzz qədər möhtəşəm olmayacaq.
P.S: mühəndislik ixtisasını bitirməyimə baxmayaraq, bu filmi izlədikdən sonra əslində mühəndis elə olar, hər kəs sevdiyi və bacardığı peşəyə yiyələnməlidir qənaətinə gəldim.
Filmin hər cümləsi yadda saxlanacaq qədər faydalıdır. “Sabahdan bu qədər qorxarkən, bu gününü necə yaşayacaqsan?!” cümləsi ən sevdiklərimdəndir. Ha, “HƏR ŞEY YAXŞI OLACAQ” bu isə unudulmazlardandır.
Aamir Khanın bu filmi ilə başlayıb, bir neçə filmi ilə də davam edəcəyik, məncə izləyən hər kəs bu filmdən nəticə çıxarıb, film qədər Khanı da sevəcək.
Gerisini sizin öhtəliyinizə buraxırıq, izləyib, təəssüratlarını bizim paylaşsanız, çox şad olarıq…
